《有時候虧待女性嘅就係女性自己本身》
用兩晚極速睇完呢本 #82年生的金智英
作為一個生於重男輕女家族下嘅產物，我有好多共鳴。
女性好多時係由受精卵時期已經被輕視
生為一個女胎，未出世已經被有血緣嘅人輕視
但係男胎，未見過個樣同性格已經備受家族歡迎。
由細到大最令我無法理解嘅係
有時候虧待女性嘅就係女性自己本身。
阿婆阿嫲阿媽對孫女/女嘅不公平對待
奶奶對新抱嘅嚴苛對待等等
有時候女性比起男性更加鍾意虧待自己嘅同性。
細個我阿婆阿嫲都好偏心我哥
連封利是個餡都可以唔一樣，真係傷透我心
明明我係成績好又乖嗰個，彷彿生為女性就係先天缺憾
反而我爺同我公就會表現得公平啲
就算內心幾偏，都唔會明刀明槍咁去傷害我呢個可愛細路女。
生於一個男權主導嘅家庭
由細到大都被灌輸女人能力比男人低好多嘅概念
好彩中學讀咗七年女校，先至無跌入呢個自貶身價嘅輪迴。
所以我曾經對自己發誓：
千其千其千其唔好嫁畀一個大男人嘅男人。
anyway本書好好睇，男女都應該要睇一次。
故事令我不停諗一個問題
點解男女結婚永遠都要係男性主導？
點解女性嫁入男家後永遠好似次一等？
點解男家好似凌駕係女家之上？
約定俗成之下令男女結婚好似買賣婚姻咁
你娶我入門，好似就等於成個男家係主，女家係次咁
一早假定咗男家主導，石器時代一樣嘅思想。
不過好重要一樣嘢，我相信權利與義務
追求權利上男女平等時，亦都要記得付出都要平等
唔係權利與付出同時都take晒advantage
我最怕有種女人，有事就「你係男人」無事就「我要平等」。
我嘅Patreon需要大家支持 ;D
https://www.patreon.com/hkgirlfriend
**收入會將一半捐去612基金支援被捕人士。
IG：@hkgirlfriend
FB：港女友
Search